Er du ein engasjert person som brenn for miljøarbeid?
Miljøtenesta har ledig ei 100 % fast stilling som sjukepleiar/vernepleiar. Hos oss blir du ein del av eit triveleg og dyktig kollegium som yt bistand til menneske med ulik fysisk og psykisk funksjonsnedsettingar uavhengig av alder. Du kan forvente deg ein variert kvardag med eit brett tilbod av arbeidsoppgåver og aktivitetar der brukarfokuset er høgt. Saman legg vi til rette for du skal få utvikle deg, bruke kompetansen din og vere ein verdsett kollega. I stillinga jobbar ein todelt-turnus eller langvakter.
Vi ser etter deg som er oppteken av miljøarbeid, eller er motivert til å lære om det. Du har evne til å reflektere saman med andre og for deg sjølv og likar å finne løysningar når ting er vanskeleg. Du trivst med å jobbe både sjølvstendig og som del av eit team.
Hos oss får du introduksjonsprogram for nytilsette, løn etter utdanning og erfaring og vi har gode pensjons- og forsikringsordningar.
Kva seier dei som jobbar i Miljøtenesta i Fjaler om jobben sin?
«Eg syns at det er utruleg kjekt å komme på jobb. Ein blir alltid møtt med eit smil og vi hjelper kvarandre for at vi skal ha det godt på jobb»
«Det er så motiverande å sjå kor dyktige dei eg jobbar saman med er med brukarane. Og korleis vi på ulikt vis kan finne fram til ei løysning, og så delar vi erfaringar»
«Det å vere ny i praksis og føle at ingenting er dumt å spørje om, er ein god følelse. Det bidreg til at ein lærer mykje meir og at ein blir meir motivert til å gjere ein god innsats» – sjukepleiarstudent.
Kvalifikasjonar:
- Autorisasjon som sjukepleiar/vernepleiar
- Anna relevant helsefagleg utdanning kan bli vurdert
- God norsk munnleg og skriftleg framstillingsevne
- Førarkort kl. B
- Den som vert tilsett må legge fram politiattest og godkjent MRSA- og tuberkuliattest før tiltreding
Personlege eigenskapar:
- God på kommunikasjon og samarbeid
- Du er engasjert, tek initiativ og har gjennomføringsevne
- Strukturert, fleksibel og stor grad av sjølvstende
- Evne til å arbeide løysingsorientert i eit travelt miljø og samtidig ha eit godt humør
Vi vektlegg at du er personleg eigna for stillinga.
Vi håpar du tek kontakt eller sender oss ein søknad. Vi gler oss til å fortelje deg meir om korleis det er å vere ein del av tenesta vår.
Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.
Kontaktperson:
Merete Vågane Helle
tlf: 41606775
Søk her
Søknadsfrist: 26.09.2024
Fjaler kommune har om lag 2900 innbyggarar og utgjer ein del av HAFS-regionen med eit samla folketal på om lag 10500. Vi har mange varierte og godt organiserte fritidstilbod innan kultur og idrett, samt gode skular og sørvistilbod. UWC og Dalsåsen kunstnarsenter har i mange år tilført Fjaler kommune internasjonale impulsar. Det har gjort fjalerfolk trygge på å ta godt i mot nye innbyggarar i eit ope samfunn omgitt av fjord, fjell og vakker natur. I oppvekstsektoren finn ein alle barnehagane og grunnskulane. Til saman er det tre kommunale barnehagar og tre skular.