Er du genuint opptatt av barn si utvikling og oppvekst? Vi ser no etter barnehagelærar til to av barnehagane i Fjaler kommune. Våge barnehage har ledig ei 100 % fast stilling og Yksnebjør barnehage har ledig eit 100 % vikariat.
Som pedagogisk leiar vil du ha arbeidsoppgåver der du brukar din faglege, pedagogiske og etiske kompetanse for å skape ei ramme der barn kjenner seg som ein del av eit fellesskap; ei ramme der barn får utvikle seg og oppleve meistring. Du vil ha ansvar for å rettleie medarbeidarane på avdelinga di og sjå til at barnehagelova og rammeplan vert oppfylt gjennom det pedagogiske arbeidet på avdelinga.
Ho oss får du ein variert og kjekk kvardag saman med barna og eit godt arbeidsmiljø med ei fin aldersblanding i kollegiet. Vi har introduksjonsprogram for nytilsette, løn etter sentralt løns- og stillingsregulativ og svært gode pensjons- og forsikringsordningar.
- Våge barnehage har ledig eit 100 % fast stilling som pedagogisk leiar frå snarast. Vi søkjer etter pedagogisk leiar til å leie ein av våre to avdelingar i barnehagen. Våge barnehage ligg ytst i Fjaler kommune, vi har ein ny fin barnehage med ca. 20 barn
- Yksnebjør barnehage har ledig 100 % vikariat som pedagogisk leiar frå 1. januar 2025 og ut barnehageåret 2024/25. Yksnebjør barnehage har 49 barn fordelt på seks avdelingar Vi ligg høgt og flott til med eit allsidig uteområde. Vi har flott utsyn over Dalsfjorden og har nærleik til sjø, skogsområde, bibliotek og sentrum.
Kvalifikasjonar:
- Høgskuleutdanning som barnehagelærar
- Fagarbeidarar kan søkje, men ved evt. tilsetting set vi som villkår at du er under utdanning eller startar på utdanning som barnehagelærar hausten 2025
- Gode norskkunnskapar – både skrifteleg og munnleg
- Den som vert tilsett må legge fram godkjend politiattest
Om deg
- Har godt samspel med barn og vaksne
- Du er ein trygg, tydeleg og omsorgsfull vaksen, med god relasjonskompetanse
- Gode kommunikasjons- og samarbeidsevner
- Evner å arbeide løysingsorientert i eit travelt miljø og samtidig ha eit godt humør
Vi vektlegg at du er personleg eigna til stillinga.
Vi gjer merksam på at søkjarliste med namn, kjønn, alder og noverande stilling i utgangspunktet er offentleg.
Dersom det ikkje er særlege grunnar for å unnta offentleggjering, vil søkjaren verte kontakta og få høve til å trekke søknaden sin før søkjarliste vert gjort offentleg
Kontaktpersonar:
Kristin Hellebust Strømberg, styrar Våge barnehage tlf: +47 99518177
Turid Straume, styrar Yksnebjør Barnehage tlf: +47 57738066
Søk her
Søknadsfrist: 26.09.2024
Fjaler kommune har om lag 2900 innbyggarar og utgjer ein del av HAFS-regionen med eit samla folketal på om lag 10500. Vi har mange varierte og godt organiserte fritidstilbod innan kultur og idrett, samt gode skular og sørvistilbod. UWC og Dalsåsen kunstnarsenter har i mange år tilført Fjaler kommune internasjonale impulsar. Det har gjort fjalerfolk trygge på å ta godt i mot nye innbyggarar i eit ope samfunn omgitt av fjord, fjell og vakker natur. I oppvekstsektoren finn ein alle barnehagane og grunnskulane. Til saman er det tre kommunale barnehagar og tre skular.