Me søker deg som er interessert i demensomsorga, og som vil vera med å utvikle tenesta
Vindafjordtunet ligg i Nedre Vats og gir tenester til personar med demens og somatisk langtidsbebuarar. Demensomsorga er delt i 2 avdelingar; Sør og Nord som igjen er delt opp i grupper.
Somatisk langtid har 14 sengeplasser og demensomsorga 35 totalt. Vindafjordtunet har og ansvar for natt og nattpatruljen som ligg under avdeling Nord.
Me har eige kjøkken som lagar mat til våre bebuarar, samt ein tilsynslege i 50%.
På Vindafjordtunet ligg det og 25 omsorgsbustader som er drifta av heimetenesta.
Kva får du jobba med hos oss?
Som avdelingsleiar på Vindafjordtunet og avdeling Sør vil du få ein utfordrande og spanande arbeidskvardag i lag med kjekke, kompetente kollegaer. Du er og med i leiargruppa beståande av to andre avdelingsleierar og einingsleiar.
Avdeling Sør har ca 16 årsverk som du har ansvaret for- i tillegg har du fagansvaret for 16 bebuarar.
Du er med å arbeidar på tvers for ein god heilhet i drifta knytt til fag og ressursar. Som avdelingsleiar ved Vindafjordtunet vil du få mulighet til å vera med å utvikle demensomsorga.
Me har to merkantile som høyrer til “sine” avdelingar ifh til vikarinntak mm.
Du kan og nytte Facebook til å bli litt betre kjent med oss.
Arbeidsoppgåver:
Personalansvar:
- Avdelingsmøter
- Sjukefråværsoppfølging
- Turnusarbeid
- Medarbeidarsamtalar
- Rekruttering
- Kompetanseheving
- Arbeidsmjljø
- Ferieavvikling
Fagansvar i di avdeling:
- Oppfølging av dokumentasjon
- Vera i rapport
- Kjennskap til bebuarane, tiltak, oppfølging, dagsplanar, vedtak og samhandling med pårørande
- Iverksette prosessar for å betre tenesta
- Utvikle demensomsorga
- Handtering av veldferdsteknologi
- Kjennskap til aktuelt lovverk
- Tverrfaglig samarbeid
Me kan tilby:
- Ein jobb med meining og faglege utfordringar som vil gi deg meistring.
- Arbeid med engasjerte kollegaer som ønsker at du skal trivast og lykkast.
- Moglegheiter for etter- og vidareutdanning i samsvar med vår kompetanseplan.
- Moglegheiter for å søka om stipend for relevant kompetanseutvikling.
- Støtte og opplæring for å hjelpa deg å komma godt i gong i den nye rolla di.
- Kjekke tilsettgoder som blant anna gratis parkering, rabatt på treningssenter og tilbod om gunstig mobilabonnement.
- Moglegheit for å bli med i bedriftskunstlaget og kommunalt kor (KORe’ Vindafjord)
- Ein av Norges sikraste pensjonsordningar: offentleg tenestepensjon.
- Forsikringsordningar som gruppelivsforsikring, yrkesskadeforsikring og tenestereiseforsikring.
- Lønn etter gjeldande tariff og avtaleverk
Kvalifikasjonar:
- Norsk autorisasjon som sjukepleiar
- Ønskeleg med leiarerfaring
- Ønskeleg med turnuserfaring
- God IKT kompetanse og erfaring med elektronisk pasientjournal
- Du må beherska godt norsk, både skriftleg og munnleg.
Personlege eigenskapar:
- Du brenn for demensomsorga og tenestene
- Har interesse for faget og held deg oppdatert
- Bidrar til godt arbeidsmiljø gjennom din kjennskap til tilsette og tenestebehov
- Du søker etter forbetringar for både bebuarar og tilsette
- Evne til å arbeide sjølvstendig, systematisk og målretta
- Du arbeidar godt i team og er ein som er med på å spela teamet og avdelinga god
- Du trives med hektiske arbeidsdagar og er fleksibel i arbeidsoppgåvene
- Du innvolverar, delegerar, engasjerar og deler kunnskap gjennom di leiing
- Du er løysingsorientert
- Du ønsker å utvikle deg sjølv og din avdeling, relarert til fag og arbeidsmiljø
- Du leiar prosessar i din avdeling, i tillegg til å vera med i prosessar på tvers av avdelingane
- Personlege eigenskapar vil bli vektlagt.
Andre opplysningar:
- Det er eit krav om godkjent politiattest for den som tilsettes i stillinga.
- Det er eit krav om at ein fyller ut egenerklæringsskjema for MRSA og tuberkulinstatus, før tiltredelse.
Slik søker du:
Vindafjord kommune tek berre i mot elektroniske søknadar via søknadssenteret vårt. Du kan lasta opp vitnemål og attestar som vedlegg. Om du ikkje har dei elektronisk, eller i rett format, må dei takast med til intervju. Ta kontakt med servicetorget på telefon 53 65 65 65 dersom du treng hjelp til å søka.
Du kan koma med på offentleg søkarliste sjølv om du har bedt om unntak. Me tek kontakt før ei eventuell offentleggjering.
Kontaktperson:
Bjørghild Lunde tlf: +47 53655928 mob: +47 45879480
Søknadsfrist: 18.06.2025
Søk her!
Vindafjord kommune ligg sentralt på Indre Haugalandet og grensar til Tysvær, Etne, Sveio, Suldal og Sauda. Med sine ni bygder og over 9000 innbyggjarar, er kommunen ein levande og mangfaldig stad. Kommunesenteret Ølen ligg om lag fem mil frå Haugesund.
Vindafjord er ein stor landbrukskommune med eit dynamisk og variert næringsliv. Kommunen har høge ambisjonar om å vera eit naturleg sentrum for Indre Haugalandet. Med si strategiske plassering og ei lang kystlinje mot både Sunnhordlands- og Ryfylkebassenget, byr Vindafjord på mange moglegheiter for friluftsliv. Frå turstiar i skog og fjell til aktivitetar langs kysten – her finn ein noko for alle.
Som innbyggar i Vindafjord kommune får du fleire fordelar som gjer kvardagen litt enklare. Til dømes kan du få sletta inntil 25.000 kroner av studielånet ditt kvart år, heilt fram til lånet er nedbetalt. Me tilbyr òg rimelege barnehageplassar, sånn at både småbarnsfamiliar og nyetablerte kan trivast og kjenna seg trygge her hos oss.
