Hyllestad kommune
Vi søkjer etter ingeniør – byggesak og miljø, fast 100 % stilling
Er du klar for å starte karrieren din – eller ta neste steg – i ein framtidsretta kommune med stort fagleg handlingsrom?
I Hyllestad kommune ser vi etter deg som vil, torer og kan bruke kompetansen din til å skape gode resultat og bidra til vidare samfunnsutvikling.
Nyutdanna? Vi ønskjer deg spesielt velkommen til å søkje! Du får god opplæring, fagleg rettleiing og eit støttande miljø med kollegaer som gjerne deler erfaring og kunnskap.
I tillegg vert du medlem i KLP, eit av landets beste pensjonsordningar. Les gjerne meir om medlemsfordelane i KLP
Kvifor Hyllestad?
Hyllestad kan skilte med norsk natur på sitt beste. Du kan rusle langs vasskanten eller bestige fjell som Lihesten og her er gode moglegheiter for jakt og fiske. I Hyllestad er det rom og moglegheiter for både familiar og einslege. Samt at vi har mange fritidsaktivitetar i regi av ulike lag og organisasjonar.
Vi har ledige byggeklare tomter med flott utsikt og gode solforhold og rimelege barnehage. I kommunesenteret har vi ein flott hall der det skjer mange kjekke aktivitetar.
Har du lyst å lese meir om livet i Hyllestad, sjekk ut Hyllestadinfo
Daglege arbeidsoppgåver vil mellom anna vere:
- Handsame bygge- og delesøknadar etter plan- og bygningslova
- Handsame utsleppssøknadar etter forureiningslova og forureiningsforskrifta
- Arbeide med matrikkelføring og GIS
- Rettleie søkjarar og innbyggjarar
- Få ansvar for varierte og spennande oppgåver innan plan og utvikling
Lista er ikkje uttømmande, andre oppgåver kan kome i tillegg, samt endre seg etter behov.
Vi tilbyr:
- Spanande og varierte arbeidsoppgåver
- Eit positivt og kompetent fagmiljø
- Moglegheit til å påverke eigen arbeidsdag og utvikle deg fagleg
- Fleksibel arbeidstid og høve til heimekontor
- Gode pensjons- og velferdsordningar
Vi ønskjer eit arbeidsmiljø prega av mangfald og oppmodar alle kvalifiserte til å søkje – uavhengig av bakgrunn, alder eller erfaring.
Kvalifikasjonskrav til stilling
Utdanning innan jus, bygg, ingeniørfag, plan, arkitektur, miljø eller liknande. Du bør vere strukturert, løysingsorientert og ha gode samarbeidsevner. Vi har nynorsk som målform og du bør ha gode skriftlege og munnlege ferdigheiter. Førarkort klasse B er også naudsynt.
Kontakt
Fleire opplysningar om stillinga kan du få ved å kontakte kommunalsjef Samfunnsutvikling og teknisk drift, Gaute Lundeland på telefon 577 89 529/975 47 795, eller personalrådgjevar Unni Systaddal, telefon 577 89 511.
Vi ser fram til søknaden din!
Om du har lyst til å vere med oss på laget – ikkje nøl, send oss ein søknad. Vi gledar oss til den dukkar opp i innboksen vår!
Søknadsfrist: 31.11.2025
Relevante lenkjer
Sjå andre ledige stillingar i Hyllestad på arbeidsplassen.no
Hyllestad kommune er ein liten vestlandskommune, vi ligg i ytre Sogn på nordsida av Sognefjorden, sentralt mellom Bergen og Førde. Daglege hurtigbåtavgangar Rysjedalsvika – Bergen.
Hyllestad kan skilte med norsk natur på sitt beste, du kan rusle langs vasskanten eller bestige fjell som Lihesten og her er gode vilkår for jakt og fiske. Vi er stolte av den nye fleirbrukshallen vår, her finn du mellom anna klatrevegg, biljardsalong, styrkerom, spinningsal og treningssal/kultursal. Det er eit rikt organisasjonsliv i kommune, vi har diskgolfbane, merka turstiar, kor, kulturskule – for å nemne noko.
Hyllestad kommune satsar på framtida. Skulen vår får no eit etterlengta løft med ny fløy og vi satsar mykje på å få gode internettløysingar i heile kommunen.
Det er i underkant av 1.300 som bur fast her i kommunen, mange fleire i helgar og feriar. Vi tek mål av oss til å vere ein kommune med fokus på tilrettelegging for lokalt næringsliv, dette er eit satsingsområde mellom anna gjennom Hyllestad vekst. Vi har òg mål om å utvikle dei kommunale tenestene på ein god og effektiv måte til det beste for innbyggjarane våre.
Bli ein del av Hyllestadsamfunnet du og!
For å søke, besøk: hyllestad.easycruit.com.
