Stord kommune
Eining for arealforvaltning har i dag 13 medarbeidarar med forvaltningsoppgåver innan fagområda reguleringsplan, byggjesak/tilsyn, avlaupsanlegg/tilsyn, oppmåling og geodata, adressering, landbruk og miljø. Me held til i rådhuset i Leirvik sentrum.
Ved eining for arealforvaltning er det ledig fast 100 % stilling som jurist/rådgjevar for byggjesak.
Stillinga inneber fagleg leiing av 5 tilsette innan fagområda byggjesak, tilsyn og utslepp der sakshandsaming og juridisk kvalitetssikring av avgjersler er sentralt i stillinga. Stillinga inneber også rådgjeving innan dei andre fagområda ved eining for arealforvaltning som t.d løyve etter forureiningsregelverket, landbruksforvaltninga med tilskotsordningane, klima- og miljøomsyn i arealforvaltning/plan, inngrep i vassdrag, lovbrotsgebyr m.m.
Arbeids- og ansvarsområde:
- Rådgje innan ulike forvaltningsoppgåver ved eininga
- Sakshandsaming av byggjesaker og dispensasjonar etter plan- og bygningslova, inkl. klagesakshandsaming, og førehandskonferansar
- Handsaming av utsleppssøknader/tilsyn, tiltaksplanar i forureina grunn, bakkeplanering mm
- Rutine-, prosedyre- og forbetringsarbeid
- Rettleiing mot publikum og byggje- og anleggsbransje
Kvalifikasjonskrav:
- Juridisk embetseksamen (cand.jur) eller master i rettsvitenskap
- Kompetansefeltet kan alternativt dokumenterast gjennom anna relevant utdanning og erfaring på minimum høgskule-/universitetsnivå
- Nyutdanna med relevante fag og særleg interesse for faget kan også søkja.
- Ynskjeleg med relevant erfaring innan plan- og bygningsrett og forvaltningsrett.
- Ynskjeleg med erfaring frå sakshandsaming i stat eller kommune innan miljøregelverk t.d. naturmangfoldloven, plan- og bygningsloven, forurensningsloven og/eller landbrukslovane
- Gode kommunikasjonsferdigheiter skriftleg og munnleg
- For søkjarar med annan utdanning enn norsk, krev me dokumenterte språkkunnskapar på nivå B2. Dette gjeld ikkje skandinaviske søkjarar
- Personlege eigenskapar vil bli vektlagt
- Kunna samarbeida godt med andre og ha stor arbeidskapasitet, arbeida strukturert og målretta i eit hektisk arbeidsmiljø
- Forbetrings- og utviklingsorientert
- Førarkort klasse B er ynskjeleg
Me kan tilby:
- Varierte arbeidsoppgåver i eit tverrfagleg fagmiljø
- Godt arbeidsmiljø
- Stord ve og vel med moglegheit for leige av leilegheiter i Røldal, Husøy med båt og utleige av tilhengarar mm, tilgang til treningssal
- Løns- og arbeidsvilkår i samsvar med kommunalt avtaleverk
- Offentleg tenestepensjon
For nærare opplysningar om stillinga ta kontakt med einingsleiar Elisabeth Gjerde tlf. 469 64 985
Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjaren vert varsla dersom ynskje om reservasjon ikkje vert teke til fylgje.
Kontaktperson:
Stord kommune er kommunikasjons- og regionsenter i Sunnhordland, og ligg sentralt mellom Bergen og Stavanger. Stord er ein utviklingsorientert industrikommune med ein maritim sektor som er verdsleiande m.a. når det gjeld å utvikle grøne løysingar. Kommunen har ambisjonar som ein attraktiv vekstkommune under visjonen <<Saman om utvikling og velferd>>, og har mål om å bli nullutsleppskommune innan 2030. Stord har mange og varierte tilbod innanfor privat og offentleg tenesteyting, handel og undervisning, idrett, kultur og friluftsliv. Kommunen har nær 19.000 innbyggjarar.
For å søke, besøk: skjema.no.
